عائلة سيبويه
تدور الاحداث حول
عائلة متوسطة الأب (إبراهيم) يعمل في إحدى الدوائر الحكومية خارجا وهو على وجه
التقاعد ... فيعود إلى عائلة بعد القاعد ... تكون العائلة بحالة مستقرة تفس
الروتين اليومي لهم بين صراخ وشجار وتحاول
(الأم خضرا): معلمة
لغة عربية هي المتحكم الأساسي بالبيت وهي دائما مشغولة
منيرة: البنت الوسطى
وتحب التمثيل والغناء ومهووسة ببرامج التواصل الاجتماعي
طرفه: البنت الكبرى
وهي متزوجه ولديها ثلاث أولاد وبنتان وحامل بالسادس (عبودي الابن الأكبر، فهد وعزوز،
هند وهديل) ...وهي أيضا تركت الدراسة بعد ما تزوجه
موضي: عمة البنات
وتسكن معهم وهي عانس ... كثيرة الشجار مع أهل البيت وتبحث عن عريس
الجدة صيته: المصابة
بالزهايمر
أعضاء الفرقة لمنيرة
أعضاء فرقة لموضي
خديجة صديقة موضي
ريم: الشقيقة الثالثة
بين الاخوات طالبه في السنة الأولى من الجامعة (العاقلة من بينهم في حالها والاغلب
يطلب استشارتها بعض المواضيع ...)
الجو العام:
- بيت ابواب الغرف بعضها
مطلة على الصالة والبعض في الممرات. الصالة كبيرة بها على جنب اليسار مكتب كبير وعلى
اليمين مجلس بكراسي فخمة والمكان بشكل عام ملون بألوان زاهية
(1)
صوت موسيقى. ترحيب بالحضور ... تدخل منيره وهي مبسوطة
وترقص فرح ... يمه يمه يا أهل البيت .. انقبلت انقبلت ... وتجي موضي اف ياربي ما أحد يرتاح بهالبيت وش ذا الازعاج
... وتنظر لمنيرة انتي ماتسكتي ....وين انقبلتي بهيئة الأمم المتحدة ....
منيرة بكل فخر : لا أحسن بكثير بكثير ... تخيلي
وين .. تخيلتي
موضي : اصبري اتخيل ايه عرفت ... انقبلتي
في في جمعية الفاشلات ...
منيرة :: اهها سامجة ... انقبلت في فرقة (اسمعوا
اطربكم ) ... ياسلام ..بصير مشهوره ياعيني
موضي بكل سخريه: وين قلتي ( اسمعوا أطربكم )
ارحمنا يا محمد عبدو
منيرة وهي تدافع عن نفسها : اقولك اسكتي هذا فن
وش دراك بالفن ياجاهلة الفن . وتخليها وتروح ... وتبقى موضي تفكر ...
وتقول : الحين
ليش ما أسوي لي فرقة وأنافس منيرة مافيها شي ياا سلام عليك يا موضي ..
بسرعه بسرعه .. خلني أفكر مين أضمه معي ..بالفرقة ..
تدخل الأم بعد لحظات ..وهي مستعجله وتحدث
بالجوال .... ايوه صحيح يا أم خالد هالحرمه وش تبي بالضبط ايه اشتكيت عليها عن
المديرة ماسوت لها شي قال ايش واسطه هذا كله عشان بنتها ما تعرف تعرب وش هالجيل
أقولها اعربي هالجملة ( طاح الرجل ) تقول مفعول به لو عرف سيبويه عنها كان طلع لها
من قبره عرّبها صح ايه صادقه مافي اهتمام
باللغة العربية وش هالجهل ياربي .. ايوه خلاص اشوفك بكره بالمدرسه .. يابنت يا
منيرة ياموضي .. تدخل الجدة صيته : وهي تلبس لبس أطفال ولها قرنين كأنها تسترجع
طفولتها .. القديمه وتقرب من (خضرا) وتقول : جدتي جدتي ما أعطيتني العيدية وينها
هاتي .. خضرا بسم الله الرحمن الرحيم أي عيدية يا حماتي بسم الله عليك أمس لبستي
عروس واليوم جيتي بلبس بنات صغار الله يستر على عقلي لا يصيبه مثلك .. وتقرب الجدة
صيته .. هاتي ولا أعلم عليك أبوي .. خضرا وهي تحاول تاخذها الى غرفتها وتقول :
ياربي من وين ألاقيها من اللي ماتعرف تعرب ولا اللي ماتعرف وش زمانها ...
تجي موضي وهي تكلم في الجوال .. ايوه تعالي طبعا اكيد مشروع ناجح بنتزوج كلنا بليلة وحده ..
لازم افوز على منيره بتسوي فرقه اكيد بربح .... انتي ماسمعتيني وانا أغني ... ايه أحلى من نانسي عجرم تحبي
تسمعي ... خلاص اذا جيتي سمعتك ... انتظرتك ...
وتغني موضي : ادلع يا كايدهم خليهم يشفونك ..
فديتني بس يلامع السلامه مامعي وقت لازم أجهز فرقتي ... ياااارب ألقى عريس من بين هالعجايز الوحده تمدد
لي رجلها وتقزّ يمين ويسار وودّها تفصلها بعيونها .. اوووه وتحبني وحده منهن وتغرم بهالكروان العندليب يانااس وه فديتني بس ... لازم أجهز الجو في عرس قريب بالحي لا زم
افوز فيه قبل لا تاخذه منيرة مني ... ويروح العريس ..وتمسك الهاتف تدق على خديجه
بنت جارتهم : ايوه خديجه تعالي بسرعه خبر
بمليون ريال بسرعه ...
وبعد لحظات تدخل خديجه مسرعة وتقول : ايوه ايوه
خير قولي وش فيك مفحطه تعالي تعالي
موضي وهي متحمسة : في مشروع لو نجح بدخل القفص الذهبي ..
خديجه وهي تحاول تفهم : ما فهمتك موضي وضحي ..
موضي : بنعمل فرقه منك ومن البنات .. اللي مثل
حالتي عندهم فن بس مافي من يدعهم
خديجه وهي متعجبة : فن ايش يا أم فن .. هو انتي
بتعرفي حاجه في الفن بس انتي ماعندك ريحة الفن .. من أصله
موضي بكل حماس : هغني...
خديجه وهي مستهينه بموضي : وش تقولي يابنت نغني لا لا ما اعتقد ينجح
موضي وهي تشججع خديجه : ياخبله راح تضبط
صدقيني خلك بطله يابنت ونصير مشهورين
تخيلي ونتزوج ونعيش في سبات ونبات ...
خديجه وهي متردده : موضي لا تورطينا موضي ...
لكن
بشوف البنات وأقولك ... مع السلامه ...
وتفرح موضي ... وتدخل تجهز نفسها ...
تجي منيرة ومعها جوالها ... وتقول : خلني
اشوف كم عدد المتابعين على التويتر ... لا لاااااااا نقص واحد من هذا من يتجرأ
يلغي متابعة الفنانه منيرة ...
خلني اشوف الفيس بوك .. من سواا لي لايك ... اف
وش هالناس البخيله
خلني اشوف السناب اللي ماتقدر الفن ..... وتظل مشغوله منيرة
بالجوال تدخل اختها ريم ومعها كتاب ... وتسأل منيرة : منيرة وين أمي ...
منيرة ماترد..
ريم : منيرة وين أمي ..
منيرة بدون مبالاه : ما أعرف وينها ... تعرفي
أكيد مسيره أمي ماتحب تجلس بالبيت تستكشف بيوت الحي ...
ريم : طيب انا بروح المكتبة .. اذا سألت عني
خبريها ..
منيرة بلا مبالة : طيب اذا دورت عليك ... أمي
ماتدور أحد غير دلال القهوى مع حريم جيرانا وترجع منيره تكمل تصفح جوالها وفجأة : تشهههق بقوه وتقول : يالمحظظظظوظه إسطنبول مره وحده
هذا أنا ادور فلوس عشان اسوي شفط دهون واربط هالمعده واسحب خشمي وانفخ براطمي ويصير جسمي مثل ديبيكا شبرا وانتي تبعثريها على
شاطيء إسطنبول هب هب عليك ياجعلك ماتتهني وترجعي هاليوم هب هب عليك ....أف سديتي
نفسي عن الحياه ...الله يسدّنفسك عن تركيا بما فيها ..حتى ممززها هف هف
خلني اركز على مشروعي الفني .... وأوريك
ياخلودوه اذا ماصرت فنانه تشهد صحراء الربع الخالي عليها ما أكون منيرة بنت معلمة
اللغه العربية .. وتدخل منيرة وهي معصبة
(2)
الباب يدق بصوت مرتفع والجرس لا يتوقف عن الرن
رن رن رن :
منيرة تركض وتقول بصوت ضجر : أف أف ياربي مافي بالببيت غير منيرة .. منيرة
أفتحي الباب منيرة جهزي الغدا .. ليتني ما تركت الدراسة أستاهل مايجني طيب طيب
جايه ... تقول ان الحرب قامة استغفرالله ...
وتدخل طرفه هائجه مع أولادها وبطنها المنتفخه بالحمل ومعها ثلاث شنط وهي تبكي :يمه يمه لحقي علي
ضعت يمه والله ما أرجع له آه أأأه يمه..
وترد منيرة : فعلا هذا هو الحرب قامة ...
وطرفه مازالت تبكي : صادقه الحرب قامة تقوم
قيامته ..
منيرة باستغراب: من هذا ؟!
طرفه وهي مازالت تبكي: زوجي عيد ...
ترد منيرة بسماجتها البايخه: عيد ولا سعيد
هااااا هااااا
طرفه بنظره جديه : انطمي منيره قولي الحمد لله
انك ماتزوجتي وعشتي عيشتي ...
منيره :لا أنا بتزوج واحد يصير خاتم باصبعي ....
ياسلام ويكون مزه طول بعرض وعيونه خضرا
مثل الجرير ياسلام واترنح بعد واتدلع مثل السركان واغني وأقول هل رأى
الحب سكاره سكااره مثلناا الله عليك يا ست منيرة واتصور وأقهر خديجوه .. واكتب
" مقهورين من الملكه فديتني بس ) ...
وترفع برأسها بخيال بعيد ...
طرفه وهي تقول اخرتك مع ولد عمك شلهوب وفجأه تصرخ على منيرة : بنت خلي عنك الاحلام
الفارغة شوفي حالت أختك مع بزورتها وين أروح وين أمي ..
منيرة وهي شامته : أحسن قلت لك لا تكثير عيال
قلتي لا أبي أربط زوجي أحزمه (تهز بخصرها )بالعيال عشان ما يروح يتزوج مثل أخوه ..
خذي عندك حبيبتي اذا حب الرجال يتزوج راح يسويها ويسويها ... قال احزمه
بالعيال(وتهز بخصرها)
طرفه وهي معصبة : انطمي منيره ماهي ناقصتك ...
وين أمي ..
منيرة وهي تصور نفسها: امي راحت عند جارتنا ام
خالد في جمعة حريم ..
طرفه وهي داخله بروح أريح اشوي تعبانه .. انتبهي
لعيالي ..
منيرة : خذي عيالك معك ما اني أمهم ... وبعد
اشوي .. تدخل الأم متضايقه وتستقبلها منيرة : يمه يمه بنتك طرفه جت بعيالها
وشنطتها ... شكل بنتك بتطلق ..
الأم : بلا مباله ... وش اسوي خلني بأم عبد
الرحمن هذه الحرمه متى تخلي عنها الفخر الزايد .... جابت كنب جديد وتقول بتقضي
الصيف باسطنبول .. قطيعه والله لسوي بيتي أحلى منها .. وبشتري أحلى كنب وأحلى مجلس
.... وتدخل دون الاهتمام بأمر طرفه ..
يرن جوال منيرة
ترد : أيوه هلا ايوه أنا منيرة .. ايش تمت الموافقه .. طيب بتجي الفرقه ...
بليلة العرس ان شاءالله مع السلامه ...
(3)
يتغير جو المكان الى صالة عرس فيها كوشه واشوي
من المعازيم ... وموسيقى زفة للعروس وصوت ديجيه
تدخل العروس .. وتجلس على الكوشه ... تجي فرقة منيرة ..... باغنية زفة العروس وتغني ..
مع الدفوف ... تقول كلمتها : هذي الأغنية من تألفي لكم يالحبايب ..
يلا يابنات ويبدأ العرض
ياهلا
بالزين ... حلو العين .. والفرح بين الأهل طير يرفرف حولك يالزين
من الأجمل يالحضور ... ترد الفرقه : انتي يا
أميرة الحلوين ..وتقول منيرة من الحلو بالحضور .. وترد الفرقة : من غيرك يا منيرة
العين ...
وفجأه تدخل فرقة موضي ..ويصبح صراع بين الاثنين
وتقول خديجه : يا دبلة الخطوبه عقبالنا كلنا
ونبني طوبه طوبه في عش حبنا
نتهنى بالخطوبه ونقول من قلبنا
يادبلة الخطوبه
وترد عليها منيرة وكأنه صراع : ألف الصلاة
والسلام عليك يا محمد حظيظ ربي عطى له ..
وتنسى الكلمات
وترجع
تقول : هذا
البدر في جبينها ولا إبن عم البدر
هذا الثنا هذا الثنا في
خدها ولا الثنا من خدها
وتغني خديجه : وتردد
موضي ألف الصلاةة والسلام عليك يا محمد .. مع صوت الدفوف .. والمكان تعم فيه
الفوضى ...
وتصرخ العروس ..
خرررررب عرسيي وش هالحراج اطلعوا برا ايلا
.. وتهتوش فرقة موضي مع منيرة ...
وتبدأ منيرة بمخاصمة
موضي قا ئلة : شفتي وش صار بسببك طارت الصفقه
وش جابك انتي ومن قال لك ...
موضي بكل ثقه : على
بالك أخليك تاخذي صفقه مني كذا بسهوله لا حبيبتي مستحيل ...
منيرة بصوت مرتفع : لا
ياعمة موضي مستحيل اخليك تنجحي ... وريني شاطرتك يالا بصوتك ...
وكأن موضي قبلت التحدي
... طيب يلا : موسيقى يا خديجه :
وتتبدأ
موضي ب :مقبــله كن الفجر مقبل
معاهــــا ,,, والنجوم الحالـــمه تمشي وراهـــا
والمسا مستبشر بطلعة سناها ,,,
كن طلتها الفـجر والشمس شيخـــه
أقبلت وبوجههـــا أحلى ابتسامه
,,, تمشي والخطوة مطر واهيا الغمامه
وترد منيرة هذا
اللي عندك خذي طيب :
سمـوا باسم
الله على خطوة دلعها ,,, لامشـت والــورد باحساسه تبعهـــا
وده يمسك
يــدها او يمشي معـها ,,, أو يزف احساس عطر الشيخه شيخه
من شعرهــا
يستمد الليل لـــــونه ,,, والكــحل من عيـنهــا كحــل عيونــــه
وفجأة تصرخ العروس ... برااا يلاااا ... قبل لا ادق على الشرطه الشرطه وين الشرطه ... خررررررب عرسييي وين عريييسي وطار العريس
وتطلع موضي ومنيرة يركضان وكل الفرقه وراهم ...
(4)
وبعد رجوع موضي ومنيرة من العرس والجو شبه مظلم
وتسلل على أطراف الأصابع .. وموضي تقول : كله بسببك طار المعرس اويلي اويلي ..وتجي
طرفه من خلفهما وتصرخ .. حرامي حراامي اويلي حراامي حراامي وش وش .. وتضرب بمنيرة
للا لا شكلي بولد وتضرب بمنيرة وتقول : اووتش بولد يمممه حراامي .. بولد .. وتدخل
ريم تهدي بالوضع الا موضي تصرخ : يابنت أنا عمتك موضي وهذي اختك يا ياعميا معك عما
وخري يا قليلة الادب ...
طرفه وهي تمسك بطنها: لا لا بولد .. تركض منيرة
وتقول لحظه لحظه اصور .. اضحكككي وين أصور .. صبر صبر والولد ينزل تطلع الصورة أحلى
... وتضربها ريم على راسها : بلا قلة ادب شوفي اختك تموت وانتي تبي تصوري ..روحي
اتصلي على الإسعاف بسرعه .. وتجي طرفه معها ولدها .. وتستقلبها العائله بفرح
واغنية ماما جابت بيبي شغاله ....
وتفرح العائله والأم تقول : صار معك 6 شوفي لك
حل بهالعيد .. انا طالعه لأم ياسر اشوف يقولوا في تخفيضات على الكنب ...ريم وهي
تقترب من أمها : يمه خلك معنا ننبسط لاحقين على هذا كله ... مناسبة حلوه مثل هذي
ما تفوت .. لازم نكون عائلة وحده مترابطه صح .. نفرح لعبض ونحزن لبعض ... هذه هي
العائلة ابقي يمه شوفي طرفه هي محتاجتك ..
الام : خلي عنك هالمحاضرات انا طالعه انتم عندها
مع السلامه ...
وتدخل طرفه حزينه لان أمها ما بقت معها وتاخذ
عيالها ...
وتبقى ريم وموضي ومنيرة ..
ريم : لازم نفكر بحل نرجع طرفه لزوجها..
منيرة : وهي مستغربه هو حتى ما سألت عنها ولاقال الحمد لله علىى
سلامتك وش هالرجال ... وتنظر لعمة موضي وتقول : خلك مثل ما انتي ياعمة موضي الرجال
وجع راس كل يوم لك صيدلية بنادول وضغط وسكر اسمعي نصيحتي تراني أحبك وش رايك نسوي
فرقة ونغني مع بعض ونسافر دبي ... موأحسن من تقابلي هالرجال بخشته وينافخ هاتي حطي
..
ريم وهي تحاول ان تفهم منيرة ان تفكيرها غلط: اسمعي يامنيرة الحياه
تعاون تآلف بين الزوجين لا تحاولي تخربي قانون وضعه الله بين اثنين حتى الحيوانات
تحترم هالقانون ما تحاول تغيره لأنه فرض الله علينا ... صح مجتمعنا تفكيره وثقافته
محدوده بين الزوجين ... لكن كل هذا يتصلح اذا في حب وتآلف ورحمه بينهم وتعاون ... اذا
الزوج ما كان دعم لزوجته والعكس كيف تمشي حياتهم واذا ما تعلمنا كيف نسيطر على
اعصابنا ونفهم كل واحد له ضغوطه كيف نكمل مشوار الحياه وباخر العمر نجلس جنب بعض
ونفتخر اننا جبنا جيل مثل هذا واعي وفاهم ... منيرة وهي تقطعها : اسمعي يافيلسوفة
الزمان كلام الكت بهذا خله لك الحين تغير كل شي كل واحد يبي يفصل الثاني على كيفه
..
تدخل موضي بس انتي واياها خلاص : خلنا نفكر بموضوع اختكم طرفه ..
نرجعها لعيد اشلون .. كل وحده تحط فكره ... ابي اتزوج واطلع من هالبيت ...
ريم وهي تحاول ان تنهي الموضوع
: صح خلنا نفكر بطرفه .
ويرتفع صوت منيرة بحماس: نقتله صح نقتله ... وترتاح طرفه وارتاح
أنا ونحطه بكياس ... فكره بطله
ريم : بلا هياط منيرة فكري بشي عدل
وبعد اشوي تطلع فكرة ريم : لقتيها .. المهتم يظل متهتم الا ان تثبت
ادانته
منيرة وموضي بنفس واحد : كيف يا محقق كونان ...
ريم بكل ثقه : نخطف اقرب واحد على قلبه من عياله ... من من ...
عزوز يحبه
بس لازم نتفق مع عزوز ... ولا يعلم احد .. وريم تجيب عزوز وتتفق
معه بتنفيذ الخطه .. يلا نبدأ بالتجهيز ...
من تكلم عيد ..
منيرة .. وأنا ابقى مع طرفه لا يصير فيها شي ... يلا توكلنا على
الله ... ويوافق عزوز على الخطه ...
(5)
وتبدأ بتنفيذ الخطة ... موضي مع عزوز .. ومنيرة تكلم عيد وتغير
صوتها ل.. بنقالي ...
منيرة : ألوووو انت في اسم عيد
سعيد ..
منيرة : أنا شعبان رمضان هااااا ...أنت في تمزح مع كومار انا ....
انت جيب ولد اسمه عنززوز وتغلط أنا في قصد عزوز ... اذا ما تدفع
مبلغ خمسين ألف انا في ابلع ولد انت ... معك اربعه وعشرون ساعه انت في جيب
فلوس انت مافي كلم شرطه انت كلم شرطه انا
اذبح ولد انت هاتى فلوس انا اعطيك ولد انت ... تحب تسمع هو في ايش حاله ....
موضي وهي تضرب عزوز .. وعزوز يصارخ : يبه تكفى يبه خذني ذولي
بيحرقو شعري يبه يبه .. وتضحك منيرة ضحكه قويه هاااا هاااا ... وتقفل
وتمدح نفسها يااسلام عليك يا منيرة وه فديت نفسي وش الخطه الثانيه
..
ريم : نشوف ردت فعله مع طرفه .. اكيد يدق عليها بس لازم ننتبه تمام ... بظل معها اروقها ..
وتجي طرفه وهي مفزوعه : عزوز عزوز وينك يايمه اويلي على قلبي
تركض ريم عليها وش فيك طرفه خير
طرفه وهي مازالت تبكي : عيد كلمني ويقول ولدي عزوز انخطف اويلي اويلي
قلبي وش صار وينه يارب تحفظه ,,,
ريم وهي تحاول تهدي بأختها : اصبري يا بنت وش صار فيك لا تنسي توك
ولدتي .. ماعليه ان شاءالله زوجك يلقى حل .. اهدي بس ..كلميه شوف
وش صار معه ..
طرفه وهي تمسك الجوال : ماني شايفه خذي هاتي لي رقمه ..
وتعطيه ريم : وتدق على عيد .. وتقول واثار الدموع بصوتها : ايوه
عيد وش صار معك وش قالوا لك ... ايش كم خمسين الف من وين نجيب لهم تكفى عيد حاول
انك تدبرها ,... انا مامعي غير العشر الاف ... قلت لك ما هو ذنبي كان يلعب برا وما
عرفت غير منك .. قصدك تحط الحق عليّ حتى انت غلطان ما سألت علينا ولا مره من تركت
البيت خلك مع حبيبتك الجديده والله ما انت كفو اذا تخلي ولدي يروح مني
.. وتسكت .. وتصرخ فجأه أنا مهمله يا عيدوه لا حبيبي شوف نفسك
بالأول انت حتى ما مسكتني وانا طالعه بعيالك وكأنك تقول الفكه ,,,
ما دورت عليهم .. حتى ولدك الجديد ما فكرت تشوف شكله .. الو الو
عيد وينك ..
وش هالرجال اللي ما يستحي ..
ريم وهي ما زالت تهدأ طرفه : طرفه حاولي تفهمي مو وقت انك تخاصمي
على أشياء تفاهه لازم تفكيري بعقل وتهدي اعصابك ولدك بخطر وانتي تفكري بخيانة زوجك
غلط .. اتركي كل شي وفكري بالاهم ...
ويرن الجوال : ترد طرفه ايوه يا عيد وش تبغى ...
ايش وش تقول لا مستحيل
.... وش ضمني انك بتاخذها عشان ولدي ما تخاذه عشان تعرس فيها ....
ريم وهي تأخذ الجوال من طرفه : ايوه عيد انا ريم وش تبغى من طرفه
تعرف ان طرفه خايفه على ولدها ... طيب مو مشكله بحاول اهديها واعطيك خبر ...
ترجع ريم لطرفه : ياطرفه خلاص هاتي الفلوس اللي قال لك عليها ..
عشان ولدك
طرفه وهي تحاول ان تصدق ان عيد بياخذ الفلوس عشان عزوز: واذا
اخذهايتززوج فيها .. وش اسوي لحظتها ...
ريم وهي منفعله : افهمي طرفه ولدك الأهم اهم من كل تفكير هذا ...
فكري كيف يرجع عزوز وش حالته وهو خايف يمكن يعذبونه ويضربونه بقوه .. روحي معه
البنك وحاولي تحلي المشكله ... بهدوء طيب
يلا قومي روقي وجهزي نفسك .. تدخل طرفه ... ...
وتدق على منيرة : ايوه منيرة وش صا رمعك كل شي تمام ... يا
سلام طيب شوفي طرفه هذي هي طالعه لعيد ..
كل شي تمام عندكم طيب طيب طرفه جت
ايوه طرفه بتطلعي : طيب خلاص اشوفك ... على خير ..
(6)
ترجع طرفه من مشوارها وهم بانتظار الخاطف يدق عليهم وعيد ينتظر برا
.. تدق طرفه ايوه يا عيد وش صار معك كلموك ... طيب خلاص اذا صار شي طمني
ويرجع يدق الجوال : ايوه من معي ... لا شكلك غلطان ...
ايوه انا طرفه من معي ....
من كومار ... وتسمع صوت عزوز وهو ينادي يمه يمه ... ترد طرفه وهي
مبسوطه عزوز ولدي ... الله يخليك لا تسوي فيه شي ابوه بعد ساعه يجيب لك الفلوس لا
يمكن ... لا ولدي ماسوا شي واللي ييسلمك خلني اكلمه .. ايوه عزوز وينك يمه لا ابوك
بيجيك لا خلاص ما عاد اتزاعل مع ابوك بس انت ارجع يا نور عيني انت .. لا ما بصارخ
على احد فيكم ...عزوز عزوز .... وتدخل ريم جوا عشان تكلم منيرة ... ايوه منيرة
وينك حالتها المسكينه اخته وش قلتي لها .. هاا طيب بدخل الحين
وتبقى طرفه لحالهابحالة يأس
.... على المسرح يخيم على المسرح الهدوء وهي وتحادث نفسها : أنا وش سويت
بحالي وبعيالي ... ليه يدفع الثمن هالولد المسكين وماله ذنب بخطا امه وابوه ...
ليه الأطفال هم من يدفع ثمن أنانية امهم وابوهم ... الأب وظيفته ما هو بنك وصراف
... الأب يعطي الأمان والأحتواء لبيته والدفا
الأب ماهو سواق الأب بركان من الحنان وقت تضيع بحياتك يكون هو سندك
وقت ما يتخلى عنك زوجك هو بيتك اللي ما ينقفل ببابه أبدا هو الحامي لنا بعد الله
وأنا وش أقول بس ... خليت شكوكي تبعد الأب عن عياله وعياله عن الأب
.. ليه ما فكرت فيهم ومصيرهم اخليهم أيتام
وابوهم على ظهر الأرض ... انجرفت ورا أنانيتي ونسيت هالزهرات بحياتي ...نسيت اننا
بيت له كيانه ... وكل واحد ماسيتغنى عن الثاني ومهما حصل نبقى واحد .... ام وأب
وعيال مهما كان عددهم فهم خير وبركه من الله ... وبعد لحظات يدخل عزوز ويضم امه
وتقول الحمدلله الحمدلله انك رجعت لي بخير ... ويقول عزوز انا بخير يمه برنجع بيتنا يمه وطرفه من الفرحه ايوه يا يمه
بنرجع بيتنا ونعيش بخير
وتسكت طرفه أيوه عزوز احكي
لي وش صار معك : ضربوك حرقوا شعرك ..
عزوز وهو يبتسم : لا يمه هذي خالتي منيرة ماسوت شي لي ..
وتفتح طرفه عيونها منيييييييره وهاللكلام منيرة : صاحية انتي يابنت
..
عزوز : لا يمه وخالتي ريم .. موضي بعد كانت رحلة حلوه مره ..
ويزيد غضب طرفه : فتلاحق منيرة وتريد ضربها ..
منيرة وهي تركض : اهدي طرفه طرفه .. سوينا كذا عشان مصلحتك يا غبيه
اجل نخلي زوجك يروح يأخذ وحده غيرك من على
الفيس بوك ولا السناب فكري فيها .. طرفه خلاص .. وتجي ريم تحل المشكله .. ويدخل
عبودي ومعه باقة ورد ورساله ..
يدخل الجميع وتبقى طرفه ... وتفتح الرساله وتقراها بصوت عالي :
" من عيد الى زوجتي العزيزه طرفه .. اعترف اني مقصر معك واعرف
اني كنت غلطان بحقك وحق عيالي اهملتكم فتره لكن تبغي الحقيقه انامالي غيركم بعد
الله تعودت على هواشك كل صباح وانتي تنافخي عليّ اذا ما جبت لك البصل والثوم .. وش
سرّك مع البصل والثوم ما اعرف بس احب عفويتك وطيبتك قلبك ... والحقيقه اللي ما
تعرفيها ان البيت بدونك وبدون العيال فاضي كل مادخلته كأني بدخل مقبرة اعوذ بالله
.. تعالي طرفه نطلع البرواعلمك السواقه هناك . وانا اقولك هالكلام برغبه اعلمك
عشان تبقى امرأه كامله .. بس هاا مافي سيارة نشتري البيت بعدها السيارة .. كوني
متفاهمه معي وراعي ظروفي .. وبكذا تبقى حياتنا كامله .. زوجك السعيد فيك وبعياله
..... عيد سعيد...."
وتبتسم طرفه فرحا بهذا الكلام وتجمع اغراضها وترجع لبيتها ...
(7)
زينه بالمكان يضبطوا وصوت موسيقى عن السعادة
حفله بمناسبة رجوع طرفه لعيد ... ويجتمع الكل ...
الأم خضرا ...
وموضي وطرفه ومنيرة والجده صيته ... وريم ...
وعيال طرفه ... الكل سعيد ومبسوط .. وتدخل موضي
... ايه خلصنا ورجعت طرفه لعيد .. وانا عيدي ما جااا
منيرة بسخريه : لا تستعجلي جايك عيده لا تخافي
...
طرفه وهي مبسوطه : بس يابنات ما تخيلت افكاركم
جنونيه بهالشكل ..
منيرة وهي تضحك : تربية الام خضرا ..
الأم : بس يابنت تراها ماهي ناقصتك ما جبت الكنب
اللي جابته ام خالد حارق قلبي هالكنب كيف انه حلو وخيال ... ان شاءالله الراتب
الجاي ...
والجدة صيته تدخل : وتقرب من الأم خضرا وتقول :
من انت وش جابك عندنا بعلم عليك ابوي ..
الأم خضرا : ياجدة صيته خليني مع الكنب اويل
قلبي ..
منيرة بعفويه لا يمه مو كذا قولي :.. واااه
قلباااه .. نسيتي سيبويه يا معلمة اللغه العربية
وتخاذ طرفه عيالها ويدخل الجميع
................... النهاية ..
غالية البلوي
